د پنبې د بیې د ټیټېدو د لاملونو د څېړنې په موخه کندز ته د کرنې وزارت پلاوی سفر

mail-admin
یکشنبه ۱۴۰۵/۷/۵ - ۸:۴۹

۴ تله ۱۴۰۵ هـ.ش 
۱۳ رَبِیعُ الْثاني ۱۴۴۸ هـ.ق
د کرنې، اوبولګولو او مالدارۍ وزارت یو پلاوی د غلو دانو د پراختیا رییس، مولوي مصباح‌الدین مستعین، په مشرۍ کندز ولایت ته د پنبه‌کارانو د ستونزو د څېړلو، د پنبه د بیې د ټیټېدو د لاملونو د معلومولو او د بزګرانو د احتمالي زیانونو د مخنیوي لپاره د مناسبو حللارو د موندلو په موخه سفر وکړ.
د سفر په لومړي پړاو کې د کرنې وزارت پلاوي، د کرنیزو چارو آمر، د کندز د کرنې ریاست د بوټو ساتنې د عمومي مدیر، یو شمېر پنبه‌کارانو، د پنبې پروسس کوونکو او د کرنیزو درملو د پلورونکو د اتحادیې د رییس په ګډون غونډه جوړه شوه.
په دې غونډه کې د پنبې د تولید او بازار وضعیت، د دې محصول د بیې د ټیټېدو لاملونه، د خپلو محصولاتو د پلور په برخه کې د بزګرانو ستونزې، د پنبې د پېر او راټولولو بهیر، د پروسس پړاوونه او کورنیو او بهرنیو بازارونو ته د پنبې د انتقال په اړه بحث او هر اړخیزه څېړنه وشوه.
همدارنګه، ګډونوالو د پنبې پر مهمو افتونو او ناروغیو، د هغو پر وړاندې د مبارزې پر لارو چارو، د تولیداتو د کیفیت د ښه والي، د بزګرانو د ملاتړ او د پنبې محصولاتو د لا ښه بازارموندنې لپاره د مناسبو فرصتونو د رامنځته کولو په اړه خپل نظرونه او وړاندیزونه شریک کړل.
د کرنې وزارت پلاوي د بزګرانو او د پنبې پروسس کوونکو ستونزې او وړاندیزونه واورېدل او د کرنې ریاست، بزګرانو، پروسس کوونکو او نورو اړوندو ادارو ترمنځ یې د لا زیاتې همکارۍ او همغږۍ پر پیاوړتیا ټینګار وکړ.
په پای کې، د پنبې د بیې د ټیټېدو د لاملونو پر هر اړخیزې او دقیقې څېړنې، د بازار د پیاوړتیا او د پنبه‌کارانو د ملاتړ پر اړتیا ټینګار وشو او پرېکړه وشوه، چې د بزګرانو او پروسس کوونکو له لوري مطرح شوې ستونزې وڅېړل شي او د هواري لپاره یې مناسبې حللارې ولټول شي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت