د وچکالۍ د اغيزو کمولو لپاره لازم چمتووالی نیول شوی دی
د جمهوري ریاست د چارو ادارې لوی رییس ډاکټر فضل محمود فضلي د کرنې، اوبو لګولو او مالدارۍ وزير ډاکټر انور الحق احدي سره وکتل.
ډاکټر فضلي د کرنې، اوبو لګولو او مالدارۍ وزارت کې د رامنځته شوي تحرک ستايلو ترڅنګ، د حکومت په کچه له وچکالۍ سره د مبارزې په موخه ښې همغږۍ په اړه معلومات وړاندې کړل.
د کرنې، اوبو لګولو او مالدارۍ وزير هم ډاډ ورکړ، چې د وزارت رهبرۍ له وچکالۍ سره د مبارزې په موخه لازم تدابير نيولي، څو د وچکالۍ اغېزې را کمې کړي.
