د هېواد د زرغونتیا او ښکلا په پار هڅې
۲۰ لېندۍ ۱۴۰۱ه.ش
۱۷ جمادي اﻷول ۱۴۴۴ ه.ق
د کرنې، اوبولګولو او مالدارۍ وزارت د هېواد په کچه هلې ځلې کوي، چې د ښېرازۍ او زرغونتیا په پار زمینې برابرې کړي.
ددغو هڅو په ترڅ کې د هېواد د بېلابېلو ولایتونو په څېړنیزو فارمونو او قوریو کې ځنګلاتي او نورې بوټې کرکېلي او روزنې ته زمینه برابره کړې ده.
په همدې موخه د ننګرهار کال ریاست کې ۸۰ زره ځنګلاتي بوټي، چې په کې د بادونو ماتونکو، ښکلا، لرګیو ، شین والي او نورو په توګه ترې ګټه اخستل کېږي کرل کېږي.
د چارواکو په خبره د ننګرهار کانال په درېیم فارم کې ۸۰ زره ځنګلاتي بوټي کرل کېږي، چې تر دې دمه یې ۳۰ زره کرل شوي او د ۵۰ زره نورو هغو د کرکیلې چارې روانې دي.
دغه بوټې به ددې ولایت په هغو ځنګلي سیمو کې، چې د جنګ جګړې له امله تخریب شوي دي، کېنول کېږي.
