د هلمند ناوې ولسوالی کې یوشمېر مالدارانو سره مرسته وشوه
۶ وږی ۱۴۰۲ه.ش
۱۱ صَفَرُ المُظَفَّر ۱۴۴۵ه.ق
د هلمند ولایت د کرنې، اوبولګولو او مالدارۍ ریاست اړوند د ناوې ولسوالی د کرنیزو خدمتونو مدیریت لخوا، له افغان کډوالو سره د مرستې لپاره د ډنمارک کمیټې (داکار) مؤسسې په همکارۍ، یادې ولسوالی کې د ٤٠ بزګرو او مالدارانو سره د غواګانو ساتنځای لپاره د د دروازو او کلکینانو مرسته وشوه
یادو بزګرو او مالدارانو ته تر دې وړاندې د غواګانو د ساتلو غوجلې ترمیم شوي دي، چې په تعقیب یې د اړتیا وړ دروازې او کلکینان هم ددوی په واک کې ورکړل شول.
د یادونې وړ ده، چې تر دې وړاندې هم د یادې ولسوالی له ګڼو مالدارانو سره په بېلابېلو برخو کې مرستې ترسره شوي دي.
