د هلمند ناوه کې د ځمکې د غصب مخه ونیول شوه
۲۰ تله ۱۴۰۲ه.ش
۲۷ ربیعالاول ۱۴۴۴ ه.ق
د هلمند ولایت د کرنې، اوبولګولو او مالدارۍ ریاست اړوند د طبیعي سرچینو آمریت کارکوونکو لخوا او د اړونده امنیتي مسؤلینو په همکارۍ د ناوې ولسوالی پنجاو دو سيمې دمنګلزو کلي طبيعي ځنګل د غصب مخنیوی شوی دی.
په دې ولسوالی کې د طبيعي ځنګلونو او څړځايونو د غصب د مخنیوی په موخه د هلمند دکرنې رياست اړونده د ځنګلونو مسؤل هغه زورواکي او غاصبين چې د ځنګلونو ځمکې یې غصب او یا هم په کرنیزو ځمکو اړولې د اړونده امنیتي مسؤلینو په همکارۍ ونیول او اړونده عدلي او قضایي ارګانونو ته یې وسپارل.
د ځنګلونو قطع، غصب او په کرنیزو ځمکو اړول د هېواد د نافذه قوانینو له مخې جرم دی تر څنګ یې د طبعیت ښکلا ته په پراخه کچه زیان رسېږي .
دهېواد هر فرد مسؤلیت لري، چې ددغو طبیعي سرچینو په ساتنه، پالنه او روزنه کې خپل انساني او اسلامي مسؤلیت اداکړي، د ځنګلو د قطع، غصب او له منځه وړلو څخه ډډه وکړي او د هر ډول وحشي او اهلي حیواناتو په ساتنه، روزنه او پالنه کې برخه واخلي.
