د هلمند ناوه کې د مارتي ځمکو د غصب مخه ونیول شوه
۳ مرغومې ۱۴۰۲ه.ش
۱۱ جُمَادَى الثاني ۱۴۴۵ ه.ق
د هلمند دکرنې، اوبولګولو او مالدارۍ ریاست چارواکي وایي، چې په دې ولایت کې د امارتي ځمکو د غصب مخنیوی د کمپاین په دوام، ناوې ولسوالی کې په امارتي ځمکو کې د نوو خپلسرو تصرفاتو مخه ونیول شوه.
د هلمند دکرنې ریاست د چارواکو په خبره د هلمند ناوې ولسوالی د ټنګانو سیمه کې د اړونده امنیتي چارواکو په همکارۍ د امارتي ځمکو د غصب مخه ونیول شوه.
دغه راز د یادې ولسوالی د سرخدور اړوند ځنګل کې هم د امارتي ځمکې د غصب مخه نیول شوې ده او غاصبین یې عدلي او قضایي ارګانونو ته ور پېژندل شوي دي.
د یادونې وړ ده، چې د ناوې په ولسوالی کې تر دې وړاندې هم د امارتي ځمکو د غصب مخه نیول شوې ده، چې دغه پروسه به په ټولو سیمو کې د اړونده مسؤلینو سره په بشپړه همغږۍ په دوامداره توګه ادامه ولري.
