د هلمند ناوه کې د امارتي ځمکو د غصب مخه ونیول شوه
۲۰ مرغومې ۱۴۰۲ه.ش
۲۸ جُمَادَى الثاني ۱۴۴۵ ه.ق
د هلمند دکرنې، اوبولګولو او مالدارۍ ریاست چارواکي وایي، چې په دې ولایت کې د امارتي ځمکو د غصب مخنیوی د کمپاین په دوام، د ناوې په ولسوالی کې په امارتي ځمکو کې د نوو خپلسرو تصرفاتو مخه ونیول شوه.
د هلمند دکرنې ریاست چارواکي وایي، چې ددې ولایت د ناوې ولسوالی اړوند د منګلزو په سیمه کې یو تن ځایي کس چې غوښتل یې د طبیعي ځنګل ونې له بیخه وباسي او ځنګل په کرنیزه ځمکه واړوي هممهاله د کرنې ریاست او اړونده حوزې مسؤلینو په همکارۍ د یو عراده تراکتور سره یو ځای ونیول شول او اړونده عدلي او قضایي ادارو ته وپېژندل شوی دی.
د یادونې وړ ده، چې په یاده ولسوالی کې تر دې وړاندې هم د امارتي ځمکو د غصب مخه نیول شوې ده، چې دغه پروسه به په ټولو سیمو کې د اړونده مسؤلینو سره په بشپړه همغږۍ په دوامداره توګه ادامه ولري.
