د هلمند مرکز لښکرګاه کې دڅارویوحلال ځایونو څخه څارنه وشوه
۲۶ کب ۱۴۰۳ه.ش
۱۶ رَمَضانُ المُبارَک ۱۴۴۶ه.ق
د هلمند ولایت د کرنې، اوبولګولو او مالدارۍ ریاست اړوند د مالدارۍ خدمتونو او څارويو روغتيا آمر مولوي محمدعمر ابویاسر په لارښودنه د اړوند مسلکي کارکوونکو له لوري مرکز لښکرګاه بولان سیمه کي دڅارویو حلال ځایونو (مذبح) څخه څارنه او ارزونه ترسره شوه.
د دغه څارنې او ارزونې په ترڅ کې قصابانو ته د حفاظتي وسایلو کارولو، د روغتیا له مخې د سالمو حیواناتو او په دوامداره توګه په مسلخ (مذبح) کې د څارویو د حلالولو توصیه وشوه.
ددې ترڅنګ یادو قصابانو ته د ساري ناروغیو د لېږد مخنیوي په برخه کې لازمې توصیې وشوې.
همدا راز د مالدارۍ او حیواني روغتیا آمر خپلو مسلکي کارکوونکو ته لارښونه وکړه، تر څو هره ورځ هغه څاروي، چې د قصابانو له لورې حلالېږي لومړی یې د صحت معاینات ترسره او بیا ورته د حلالولو اجازه ورکړي.
