د ننګرهار کوټ ولسوالی کې ۳۰ تنو بزګرانو ته روزنه ورکړل شوه
۷ چنګاښ ۱۴۰۴ ه.ش
۱ مُحَرَّمُ الحَرام ۱۴۴۷ه.ق
د ننګرهار د کرنې ریاست اړوند د کوټ ولسوالی د بوټو ساتني مدیریت کارکوونکو د تریلي په پاس میران او لاندې میرانو کلیو کې ۳۰ تنو بزګرانو ته د سیمه ییزو ښوونځیو په چوکاټ کې د پنبې، بنډیو او جوارو ناروغیو مخنیوی په برخه کې روزنه ورکړل شوه. همدارنګه د سبو او مېوو ناروغیو مخنیوي بوتانیکي درملو جوړولو، چې د ساده کورنیو موادو څخه جوړېږي روزنه ورکړل شوه.
دغه راز بزګرانو ته د منظم اوبو لګولو، ناروغیو مخنیوی، کرنیزو عملیو ترسره کولو، سبو بسته بندۍ، بازارموندنې په برخه کې معلومات هم ورکړل شو.
د ننګرهار د کرنې، اوبو لګولو او مالدارۍ ریاست د ولسوالیو کارکوونکي موسمي ناروغیو مخنیوی او حل لارو په موخه وخت نا وخته د بزګرانو سره معلومات شریکوی.
