د ننګرهار کانال رياست: څلورم فارم کې شاوخوا ۱۷۷۰ متر مکعب لويې ويالې او فرعي کانالونه پاک شوي
۷ غبرګولی ۱۴۰۲ه.ش
۸ ذو القعدة ۱۴۴۴ ه.ق
د ننګرهار کانال رياست چارواکي وايي، چې په څلورم فارم کې د یوې میاشتې په ترڅ کې د خېريه ادارو په مالي ملاتړ شاوخوا ۱۷۷۰ متر مکعب لويي ويالې او فرعي کانالونه پاک شوي دي.
په دغو پروژو کې، داسې فرعي کانالونه او لويي ويالې هم شاملې دي، چې له ډېرې مودې نه و پاک شوي.
د چارواکو په خبره اوسمهال فصلونو، بڼونو او کروندو ته په وخت اوبه ورسېږي او له برکته به يې زرګونه جريبه ځمکه خړوب او د کانال د عواېدو کچه به ورسره لوړه شي.
بايد وويل شي، چې په دغو پروژو کې ډېرو هېوادوالو ته د کار زمينه برابره شوې وه.
