د ننګرهار څېړنیز فارم کې دکرنې زده کړیالانوته د عملي زده کړې زمینه براره شوې
د ننګرهار د کرنې ریاست اړوند څېړنیزو فارمونو کې د کرنې او مالدارۍ انسټیټوټ زده کړیالانو ته په عملي او نظري ډول د زده کړې زمینه برابره شوې ده.
د ننګرهار دکرنې ریاست چارواکي وايي، چې ددې ولایت د کرنې انسټیټوټ او دکرنې پوهنځۍ زده کړیالانو دیاد ریاست څېړنیزو فارمونو څخه وخت ناوخت لیدنه کوي، چې ددغو لیدنو په ترڅ کې ددې ولایت دکرنې پوهنځۍ زده کړیالانو ته د عملي او نظري زده کړې زمینه برابره شوه.
ددې عملي زده کړو په ترڅ کې د فارم د بېلابېلو تجاربو، مورنیو او هستیو تخمونو د روزلو او مېوه لرونکو بڼوڼو او د ونو پيوند په اړه زده کړیالانو ته معلومات ورکول کېږي.
له دغه برنامې څخ برخمن شوي زده کړیالان د ننګرهار د کرنې ریاست له رهبرۍ څخه مننه وکړه او زیاته یې کړه، دا چې د کرنې ریاست د مسلکي کارکوونکو لخوا ورته د کرنې په برخه کې هر اړخیز معلومات په عملي او نظري ډول ښودل کېږي، دغه چارې د زده کړیالانو په وړتیا کې د پام وړ بهبود او نوښت راولي .
دیادولو وړ ده، چې د ننګرهار دکرنې ریاست اړوند د بولان څېړنیز فارم د هېواد په کچه د کرنیزو عملي زدکړو لپاره ښه مرکز ګڼل کیږي، چې هر کال په بېلابېلو فصلونو کې د ننګرهار پوهنتون د کرنې پوهنځۍ او د کرنې او وټرنرۍ انستیتوت زده کړیالانو ته د یاد فارم د متخصصینو لخوا په عملي ډول زدکړي ورکولکېږي.
