د ننګرهار په دوو ولسوالیو کې ۱۴۲ کورنیو ته دکار زمینه برابره شوه
۱۵ سلواغه ۱۴۰۱ه.ش
۱۳ رَجَب المُرَجَّب ۱۴۴۴ ه.ق
د ننګرهار دکرنې، اوبولګولو او مالدارۍ ریاست د د «CORDAID» ادارې په مالي او د «RRAA» مؤسسې په تخنیکي همکارۍ ددې ولایت د کوټ او بټي کوټ ولسوالیو ۱۴۲ کورنیو ته د کوچنیو کاروبارونو زمینه برابره کړې ده.
د ننګرهار دکرنې ریاست چارواکي وايي، چې ددې ولایت دکوټ او بټي کوټ ولسوالیو په یادو ۱۴۲ کورنیو د کوچنیو کاروبارنو جوړولو په موخه اړین توکي وېشل شوي دي، چې هرې کورنۍ ته د ۲۰ زره افغانیو په ارزښت د خیاطۍ او موبایلونو جوړولو توکي ورکړل شوي دي.
ددې مرستې موخه د بې وزله او اړمنو کورنیو لاس نیوی او په ټوله کې خلکو ته د کار زمینه برابرول دي.
