د ننګرهار وادې کرنیز شرکت د مالدارۍ فارم د احاطې دېوال او د موټرو تمځای رغنیزې چارې پیل شوې
د ننګرهار وادي کرنیز شرکت چارواکې وايي، چې د یاد ریاست د مالدارۍ فارم د احاطې دېوال او د ټرانسپورټ مدیریت د موټرو تمځای د رغونې چارې پیل شوي دي.
د چارواکو په خبره یاد دېوال او د موټرو تمځای د دې شرکت د پراختیایي بودېجې له لارې د یو میلیون او ۷۰۰ زره افغانیو په لګښټ رغول کېږي، چې ورسره به په دې برخه کې د یاد شرکت ډېرې ستونزې هوارې شي.
د مالدارۍ فارم د احاطې دېوال ۲۳۱ متره اوږدوالی لري، چې په پاخه او ساسي ډول رغول کېږي.
د ننګرهار وادي کرنیز شرکت چارواکي هلې ځلې کوي، چې د یاد فرام شته ستونزې هوارې او د یاد فارم د مالدارۍ سرخې پراختیا ته زمینه برابره کړي.
