د ننګرهار وادي کرنیز شرکت د ځمکو د اصلاح او کرکیلې ته د چمتو کولو هڅې
۱۱ سلواغه ۱۴۰۳ه.ش
۱ شَعبان المُعَظّم ۱۴۴۶ه.ق
د ننګرهار وادي کرنیز شرکت چارواکي وایي، چې د یاد شرکت اړوند په څلورګونو فارمونو کې هر اړخیزې هلې ځلې پیل کړي دي، چې په ترڅ کې یې ددې فارم کرنیزو فعالیتونو، اوبوخور سیسټمونو او کرکیلې ته د ځمکې د برابرولو په موخه فعالیتونه ترڅره کوي.
د ننګرهار کانال شرکت چارواکي وايي: «له نېکمرغه اوسمهال مو پخپلو څلورګونو فارمونو کې د کرنې ودې لپاره پراخه هڅې پېل کړي دي، چې دا موږ او تاسو ته د هېواد او کرنیز سکټور د ابادۍ زیری راکوي» .
ددغو هلوځلو له ډلې څخه اجاره لرونکو او کرنیزو شرکتونو ته د ځمکې ورکول دي، چې په قراردادي بڼه پرې کرکېله کوي، ترڅو یاده ځمکه اصلاح او په راتلونکې کې ترې لوړ حاصلات ترلاسه شي.
د ننګرهار وادې کرنیز شرکت مسوول وویل: «کرنیزو شرکتونو او اجاره لرونکو ته مو ځمکه په دې خاطر ورکړی، چې دغه ځمکې منظمې اصلاح شي، بڼه يې تغییر شي، د درېيمې درجې څخه دویمې او ان لومړی درجې ته ارتقا وکړياو په پایله کې ملي او کورنی اقتصاد ورسره غښتلې شي.»
دغه راز د یادو فعالیتونو ترڅنګ د ننګرهار وادي کرنیز شرکت اړوندو فارمونو کې د اوبولګولو سیسټمونه هم په منظم ډول فعال شوي دي، چې ورسره د یادو فارمونو او بزګرانو ډېری ستونزې هوارې شوي دي.
د ننګرهار وادي کرنیز شرکت د یوې سترې او ملي پروژې په بڼه ددې ولایت کرنیز دودونه لا پیاوړي کوي او یاد شرکت د خلکو ترمنځ همکارۍ، د کرنې عصري سیستمونو ته لیوالتیا او د کليوالي ژوند پرمختګ ته زمینه برابروي.
