د ننګرهار د فارم جدید نیالګیو روزنځایونو کې دسخت زړو مېوو د کرلو چارې پیل شوې
د ننګرهار د کرنې، اوبو لګولو او مالدارۍ ریاست د طبیعي زېرمو امریت په فارم جدید نیالګیو روزنځايونو کې د سخت زړو مېوو (لوکاټ او زردآلو) کرلو چارې پیل شوې.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل، چې په فارم جدید کې لوکاټو ۱۲۰۰ بوټي (بزغلي) په پلاستیکي خریطو کې د سرسبزۍ او لوکاټو د ښه حاصل ترلاسه په موخه وکرل شو.
ښاغلي محسن وویل، چې ددې فارم په نیم جریبه ځمکه کې د زردآلو ۲۰ کیلو تخم هم د زردآلو د ونو ترویج په موخه وکرل شو.
نوموړې وویل، چې دفارم جدید نیالګیو روزنځايونو سربېره په غلام حیدرخان او نملي تاریخي بڼونو کې دمېوه لرونکو، بې مېوې او زینتي بوټو په بېلابېلو سیمو کې د نرمکارۍ، سرې استعمال، هرزه وښو کنټرول او نوري کرنیزې چارې روانې دي.
