د ننګرهار د شولو معیاري پروسس او بسته بندی په پار هڅې

content_admin
پنجشنبه ۱۳۹۹/۷/۱۷ - ۱۴:۱۶
ننګرهار
۱۷ تله ۱۳۹۹
د کرنې، اوبولګولو او مالدارۍ وزارت له دویم ملي لومړیتوب څخه د ملاتړ پروګرام«SNaPP2» له خوا د ننګرهار د مالدارۍ او کرنیزو تولیداتو د خونې په همغږی په دې ولایت کې د شولو تولیدونکو او پروسس کوونکو ترمنځ ګډه غونډه جوړه شوې وه، چې موخه یې د بزګرانو او د پروسس کوونکو ترمنځ اړیکې ټینګول او کرنیزو قراردادونو لاسلیک ته لاره هوارول وه.
په دې غونډه کې د بزګرانو او پروسس کوونکو ترمنځ هوکړه لیکونو لاسلیک ته د زمینې برابرولو ترڅنګ د غونډې ګډونوالو ته د شولو ترېشرکولو، پاکولو، وچولو، زېرمه کولو او لېږد په برخه کې روزنه هم ورکړل شوه.
دغه هوکړه لیکونه د کرنیزو محصولاتو د بازار موندنې په موخه د شولې تولیدوونکو او د شولو پروسس او وریجو تولیدوونکو شرکتونو ترمنځ لاسلیک کیږي.
ټاکل شوې، چې د پروسس کوونکو او بزګرانو ترمنځ د ۱۳ میلیونه او ۵۰۰ زره افغانیو په ارزښت د ۶۳۰ ټنه شولو قرارداد وشي.
د ننګرهار د کرنې، اوبولګولو او مالدارۍ ریاست وایي، چې د یادو هوکړه لیکونو موخه د پروسس د کمپنیو (میلونو) سره د تولیدوونکو نښلول دي تر څو له یوې خوا د تولیدوونکو محصولاتو ته بازار موندنه وشي او له بلې خوا پروسسکوونکو ته خام توکي برابر شي.
په دې غونډه کې، د شولو د پروسس، بیې او مارکېټ په اړه هم خبرې وشوې او د اوو ولسوالیو راغلو بزګرانو ته د میل د استازي له خوا دتېر په څېر د اصلاح شویو تخمونو او تخنیکي روزنې ژمنه وشوه.
د يادونې وړ ده چې، د کرنې وزارت له دویم ملي لومړیتوب څخه د ملاتړ پروګرام له خوا پر دغو بزګرانو د شولو اصلاح شوی تخم، سره او کاري توکي وېشل شوې او همدارنګه د شولو په کرودندو کې د مهارتونو په هکله بېلابېل روزنې هم دغو بزګرانو ته ورکړل شوي دي.

تازه ترین اخبار

سه‌شنبه ۱۴۰۴/۵/۱۴ - ۱۵:۵۶
Background image

د کرنې وزیر د اسلامي همکاریو سازمان له مرستیال سره وکتل

۱۴ زمری ۱۴۰۴ هـ.ش
۱۱ صَفَر المُظَفَّر ۱۴۴۷ هـ.ق
د کرنې، اوبو لګولو او مالدارۍ وزیر مولوي عطاءالله عمري، د خپل کار په دفتر کې د اسلامي همکاریو سازمان له مرستیال خلیل ابراهیم اوکر سره. . .

سه‌شنبه ۱۴۰۴/۵/۱۴ - ۱۳:۳۸
Background image

پکتیا کې ۱۲۵ تنو مالدارانو  سره د مالدارۍ توکو مرسته وشوه

۱۴ زمری ۱۴۰۴ هـ.ش
۱۱ صَفَر المُظَفَّر ۱۴۴۷ هـ.ق
د پکتیا د کرنې، اوبو لګولو او مالدارۍ ریاست له خوا د اړیکو دفتر مؤسسې  په مرسته د دې ولایت د روحانی بابا ولسوالی کې پر ۱۲۵ تنو مالدارانو. . .

سه‌شنبه ۱۴۰۴/۵/۱۴ - ۱۳:۳۸
Background image

کندهار کې د ۷ ټنه بي کیفیته تورې کیمیاوي سرې د پلور مخه ونیول شوه

۱۴ زمری ۱۴۰۴ هـ.ش
۱۱ صَفَر المُظَفَّر ۱۴۴۷ هـ.ق
د کندهار د کرنې، اوبو لګولو او مالدارۍ ریاست د کرنیزو چارو آمریت د معلوماتو له مخې په کندهار کې د ۷ ټنه بي کیفیته تورې کیمیاوي (ډي.ای. پي. . .

بازگشت