د ننګرهار دکرنې ریاست: د تخمونو لابراټوار څخه لیدنه ترسره شوه
۱۷ تله ۱۴۰۱ه.ش
۱۳ ربیعالاول ۱۴۴۴ ه.ق
د ننګرهار د کرنې، اوبولګولو او مالدارۍ رییس مولوی عبدالستار محمد چې د کرنیزو خدمتونو امر نعمت الله اکبرې او تخمونو ته د تصدیق ورکړي امر غافر الله کانوال یي ملتیا کوله د کرنیزو څېړنو د مورنې تخم د لابراتواري تجزیو څخه ليدنه وکړه. د لیدنې پر مهال د کرنیزو څېړنو مسؤل حاجي ګل ملا خان د کرنې ادارې رییس ته د تخمونو د تجزیې د پروسې په اړه هر اړخیز معلومات ورکړل.
وروسته د ننګرهار دکرنې ادارې رییس د نباتاتو د څېړنیز فارم د شولو، جوارو او مېوو د حاصل راټولولو پروسې څخه هم لیدنه وکړه، او مسؤلینو ته یې لازمې سپارښتنې وکړې، او زیاته یې کړه چې باید د تخمونو په داسې ورایټيو باندې څیړنې ترسره شي چې مصرف يي کم او حاصل يي لوړ وي تر څو د بزګرانو د اقتصاد د پیاوړتیا لامل شي.
همدار راز د ننګرهار دکرنې ادارې رییس د تخمونو د لابراتوار مسؤلین هم وهڅول تر څو د تخمونو د تجزيي په برخه کې دقیق اوسي او هغه تخمونو ته سرتیفیکت ورنکړي، چې د شرکت مسؤلینو لخوا یې د تفتیش پروسه نه وي تکمیل شوي.
