د ننګرهار دکرنې ریاست؛ د مالدارۍ سکتور پیاوړتیا په موخه ناسته ترسره شوه
۱۲ وری ۱۴۰۵ه.ش
۱۴ شَوّالُ المُکَرَّم ۱۴۴۷ه.ق
د ننګرهار د کرنې، اوبو لګولو او مالدارۍ ریاست اړوند د څارویو روغتیا او مالدارۍ خدمتونو امر ډاکتر محمد ضمیر بهسودې ددې امریت د مسلکي او متخصصو کارکوونکو سره په ننګرهار ولایت کې د مالدارۍ د موثره پروژو په نښه کولو، مالدارانو ته د غوره خدماتو وړاندې کولو او مالدارۍ سکتور پیاوړتیا په موخه ناسته ترسره کړه.
ښاغلي بهسودې وویل پریکړه وشوه، چې د همکارو مؤسسو سره په همغږۍ په ولسوالیو او کلیو بانډو کې د مالدارانو اړتیاوو ته په کتلو موثره پروژې ډیزاین او تطبیق شي.
نوموړې وټرنرډاکټرانو ته د ناروغیو پر وړاندې د واکسینونو ښه تطبیق، چینجیو ضد درملو کارولو، د حیواني درملو کنټرول، قصابیو څارنې او د موسمې ناروغیو مخنیوي او وقایوي تدابیرو په هکله لازمې ښپارښتنې وکړې.
