د ننګرهار دکانال ریاست: د کانال ادارې په ۴۰۰ جریبه ځمکه کې د غنمو اصلاح شوي تخمونه کرل شوي دي
۳۰ لېندۍ ۱۴۰۱ه.ش
۲۷ جمادي اﻷول ۱۴۴۴ ه.ق
د ننګرهار کانال رياست او د هلال هډه وال کرنيز شرکت ترمنځ د شوي پرتوکول له مخې د کانال ادارې په ۴۰۰ جريبه ځمکه (لومړي او درېيم فارم )کې د غنمو اصلاح شوي تخمونه کرل شوي دي .
د ننګرهار دکانال ریاست وایي، چې په هډې فارم کې دغنمو د اصلاح شوو تخمونو لومړنى پلټنه د کرنې ریاست د تصدیق ورکونې امریت له لوري ترسره شوه .
د پلټنې پرمهال د ننګرهارکانال مالدارۍ فارم امر انجنیر شکرالله نورزی، د هلال هډه وال کرنیز شرکت یو تن مسوول ډاکتر غفار لودین هم شتون درلود .
