د ننګرهار دوو ولسوالیو کې یوشمېر بزګران او بڼوال وروزل شول
۷ کب ۱۴۰۲ه.ش
۱۵ شَعبان المُعَظّم ۱۴۴۵ه.ق
د ننګرهار د کرنې، اوبولګولو او مالدارۍ ریاست له خوا ددې ولایت د سره رود اوبټي کوټ ولسوالیو په بالاباغ، موي مبارک او باریکاب کې کرونده ګرو او بڼوالو ته روزنه ورکړل شوه.
د چارواکو په خبره د ننګرهار دکرنې ریاست د مسلکي کارکوونکو له خوا بزګرانو ته د سبو کرلو، افاتو، سرو استعمال، اوبولګولو،کرنیز تناوب مراعت کولو، هرزه وښو مخنیوي، بسته بندۍ، د سبو او نورو بوټو کې د ناروغیو او افاتو د هراړخیز کنټرول په موخه روزنه ورکړل شوه .
دغه راز په يادو ولسوالیو کې بزګرانو او بڼوالو ته په بڼونو کې د کیمیاوي درملو استعمال، دستروسو ناروغیو مخنیوي، یخ وهنې، د ژغورنې احتیاطي تدابېرو، د درملو زیانونو او ګڼو نورو برخو کې روزنه ورکړل شوه.
همدارنګه د دور بابا یو شمیربڼوالو ته د ژمني تېلو استعمال، ارزښت او ګټو معلومات ورکړل شو.
د ننګرهار کرنې، اوبولګولو او مالدارۍ ریاست هڅه کوي، د خپلو متخصصینو پر مټ بزګرانو او بڼوالو ته د ناروغیو او افاتو په اړه پر وخت معلومات وړاندې کړي؛ ترڅو د ناروغیو مخنیوي وشي او بزګران له زیانونو خلاص شي.
