د ننګرهار بټي کوټ کې پر ۷۵۰ مالدارانو د څارویو خوراکي توکي او د شوتلو تخمونه ووېشل شول
۲زمری ۱۴۰۲ه.ش
۷ مُحَرَّمُ الحَرام ۱۴۴۵ه.ق
د ننګرهار دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په مالي او د اکشن ایډ مؤسسې په تخنیکي همکارۍ ددې ولایت د بټي کوټ ولسوالی پر ۷۵۰ بزګرانو د څارویو خوراکي توکي او د شوتلو تخم وېشلي دي.
ددې مرستې په لړ کې هر مالدار ته ۲۰۰ کیلوګرامه د څارویو مترکمه خوراکي توکي او دوه کیلو ګرامه د شوتلو تخم ورکړل شوي دي.
د چارواکو په خبره وړاندې تردې هم د اکشن آید مؤسسه د ننګرهار په نورو ولسوالیو کې هو پر زرګونه مالدارانو د څارویو خوراکي توکي وېشلي دي.
ددې مرستې موخه د بېوزله مالدارانو ملاتړ او په ټوله کې ددې ولایت د مالدارۍ سکټور پراختیا او ودې ته زمینه برابرول دي.
