د میدان وردګو ولایت نرخ کې پر ۱۰۰ کورنیو د چرګانو روزنې توکي ووېشل شول
د میدان وردګو ولایت د دکرنې، اوبولګولو او مالدارۍ ریاست وایي، چې د کرنې نړیوال وجهي صندوق (IFAD) په مالي او د هالند کمېټې (DCA) په تخنیکي همکارۍ ددې ولایت د نرخ په ولسوالی کې پر ۱۰۰ کورنیو د چرګانو واړه فارمونو جوړولو په پار اړین توکي وېشلي دي.
په دغو وېشل شویو توکو کې د چرګانو فارم لپاره دروازې، کړکۍ، هواکش، دانه خور او اوبه خور شامل دي، چې په دغو کورنیو وېشل شوي دي.
ددغو توکو دوېش موخه په دې ولایت کې د چرګانو روزنې صنعت ته وده ورکول او ترڅنګ یې د بېوزله کورنیو ملاتړ دی.
