د میدان وردګو ولایت سیداباد کې یوشمېر بڼوالو سره مرسته وشوه
۷ مرغومې ۱۴۰۴ه.ش
۷ رَجَب المُرَجَّب ۱۴۴۷ه.ق
د میدان وردګو ولایت دکرنې، اوبولګولو او مالدارۍ ریاست د «ان.سي.اې» مؤسسې په همکارۍ ددې ولایت د سیداباد ولسوالی یوشمېر بڼوالو سره مرسته وشوه.
د میدان وردګو ولایت دکرنې ریاست چارواکي وایي، چې دغه مرسته د سیداباد ولسوالی د شیخ اباد او تنګي به سیمو کې ترسره شوې ده، چې په ترڅ کې یې پر ۵۰ بڼوالو د بڼوالۍ اړین توکي وېشل شوي دي.
ددې مرستې په ترڅ کې هر بڼوال ته د نباتي درملو شیندنې ماشین، د ښاخبرۍ وړه قیچې، بېلچه، د درمل شیندنې ځانګړې جامې، موزې، د خشاوې لور او دستکشې وېشل شوي دي.
ددې مرستې موخه د بڼوالو ملاتړ او په ټوله کې په دې ولایت کې د بڼوالۍ سکټور ودې او پراختیا ته زمینه برابرول دي.
