د مالدارۍ سکټور ته لومړيتوب ورکول کېږي
۲۶ غبرګولی ۱۴۰۰
د کرنې، اوبولګولو او مالدارۍ وزارت د کرنې او مالدارۍ مرستیال شېرشاه امیري وایي، چې په تېرو کالونوکې د هېواد مالدارۍ سکټور ته ډېره کمه پاملرنه شوې ده، خو تر دې وروسته د وزارت په کاري لومړیتوب کې یاد سکټور ته ځای ورکول کېږي.
ښاغلی امیري نن په هغه غونډه کې، چې د حیواني روغتیا او مالدارۍ لوی ریاست نوی رییس په توګه د نورجان ځاځی د پېژندې په موخه جوړه شوې وه، وویل، چې د مالدارۍ سکټور د پراختیا او پرمختیا په پار ټاکل شوې، چې په نږدې راتلونکې کې به په هېواد کې یوه لویه ملي پروژه په لاره واچول شي. هغه دغه راز وویل، چې سږني وچکالي به د مالدارۍ سکټور زیانمن کړي، خو دکرنې وزارت د بېلابېلو برنامو په لاره اچولو سره هلې ځلې کوي، چې د مالدارۍ پر سکټور د وچکالۍ منفي اغېزې کم کړي.
