د لوګر دکرنې ریاست: د مالدارۍ څانګې رغنیز پروژې څخه څارنه وشوه
۲۵ غبرګولی ۱۴۰۲ه.ش
۲۶ ذو القعدة ۱۴۴۴ ه.ق
د لوګر ولایت دکرنې، اوبولګولو او مالدارۍ رییس مولوی سیدامین هاشمي په داسې حال کې، چې ورسره مل پلاوی هم ملتیا کوله د یاد ریاست مالدارۍ څانګې د بیا جوړېدونکو کاري چارو څخه لیدنه وکړه.
په دغه پروژه کې د مالدارۍ څانګې د احاطې دېوالونو او تعمیر بیارغونه، رنګمالی، د لارو جوړول او د محافظ خونې ترمیم شامل دی، چې مالي لګښن یې د لوګر د کرنې او مالدارۍ ریاست د غنمو په بدل کې د کاري بودیجی څخه ورکوي.
ددې پروژې موخه د یاد ریاست د مالدارۍ څانګې تخریب شوي سیمې بیا رغول او د یادې ادارې ستونزې هوارول دي.
