د لوګر خروار کې۲۰۰ مالدارانو سره د نغدو پیسو مرستې وشوې
د لوګر دکرنې، اوبولګولو او مالدارۍ ریاست د افغانستان لپآره د هالنډ کمېټې په مالي او د «CRI» مؤسسې په تخنیکي همکارۍ ددې ولایت د خروار ولسوالی له ۲۰۰ مالدارانو سره د څارویو خوراکي توکو پېرلو په پار د نغدو پیسو مرستې وکړې.
ددې مرستې په ترڅ کې یاد ۲۰۰ مالدارانو هر یوه ته د څارویو خوراکي توکو پېرلو په پار ۲۵۵۰افغانۍ ورکړل شوي دي.
په ورته مهال د سیمې مالدارانو او کوچیانو له یادې مرستې خوښي وښوده او په راتلونکي کې یې هم د لا نورو همکاریو غوښتنه وکړه.
ددې مرستې موخه د بېوزله مالدارانو ملاتړ او په ټوله کې په دې ولسوالی کې د مالدارۍ سکټور ودې ته زمینه برابرول دي.
