د لغمان علیشنګ کې په ٣۵ بې زوله او اړمنو کورنیو وزې ووېشل شوې
د لغمان دکرنې، اوبولګولو او مالدارۍ ریاست له افغان کډوالو سره د مرستې لپاره د ډنمارک کمیټې (داکار) مؤسسې په تخنیکی همکارۍ، ددې ولایت په علیشنګ ولسوالی کې پر ٤۵ بېوزلو او اړمنو کورنیو د شېدو وزې او او اړونده وېشلي دي.
ددې مرستې په لړ کې هرې کورنۍ ته ٢ راسه دشېدو وزې او اړونده توکي ورکړل شوي دي.
د یادولو وړ ده، چې د نوموړو کورنیو د تشخیص، انتخاب او وېش چارې د ګډې کمیټې لخوا په شفاف ډول ترسره شوي دي.
د چارواکو په خبره دغه مرستې په دې ولایت کې د مالدارۍ سکټور د پیاوړتیا او دغه راز د مالدارانو د هڅونې په موخه ترسره شوی دی.
