د عالیقدر امیرالمؤمنین (حفظه الله تعالی) د حکم په اساس بدخشان ولايت کې نوې ولسوالی تأسيس شوه
۱۹ وری ۱۴۰۴ ه.ش
۱۰ شَوّالُ المُکَرَّم ۱۴۴۶ه.ق
د عالیقدر امیرالمؤمنین (حفظه الله تعالی) د حکم په اساس بدخشان ولايت کې د نوې ولسوالی د تأسيس په موخه پلاوی دغه ولایت ته سفر وکړ.
په دغه سفر کې د ملي دفاع، کورنيو چارو، کور او ښار جوړولو، سرحدونو، قومونو او قبایلو چارو او د کرنې، اوبولګولو او مالدارۍ وزارتونو، د احصايې ملي ادارې او د بدخشان ولايت مسؤلينو شتون درلود.
همدارنګه د کرنې وزارت د اراضۍ لوی ریاست د کارتوګرافۍ رياست څخه نثار احمد هم په دغه سفر کې د استازي په توګه ګډون کړی وو.
په پيل کې له مرکز څخه تللي مسؤلينو د دغه نوي ولسوالۍ د تأسيس په پار خپلې هراړخيزې څېړنې ترسره کړې چې وروسته له بشپړ بررسۍ څخه دغه ولسوالۍ يې د بدخشان ولايت واخان ولسوالۍ له يوې برخې څخه جلا او د پامير ولسوالۍ تر نامه لاندې تأسيس کړه.
د يادونې وړ ده چې دغه ولسوالۍ د عالیقدر امیرالمؤمنین (حفظه الله تعالی) د حکم په اساس چې مربوطه څانګو ته لارښوونه شوې وه ترڅو د ۱۴۰۴ ھ.ش کال په تشکيل کې ونيول شي. چې د اراضۍ ادارې او مربوطه څانګو د مسوولینو د زیار او کوښښ څخه ورسته ياده ولسوالۍ بدخشان ولايت کې په (۶۹۹۶) کیلومتر مربع مساحت ځمکه باندې په درېيمه درجه تأسيس شوه.
