د زابل ولایت د غصب د مخنیوي او غصب شوو ځمکو د استرداد تخنیکي ټیم غونډه
د زابل ولایت د غصب مخنیوي او غصب شویو ځمکو د استرداد تخنیکي ټیم د غصب شویو ځمکو اړوند پنځه لسمه غونډه تر سره کړه.
ياده غونډه چې د زابل ولایت د کرنې په ریاست کې جوړه شوې وه په کې د زابل دکرنېرییس مولوي عطاء الله راشد، د عدلیې رییس الحاج مولوي عبدالوارث خلیل، د ښارجوړونې رییس ملا دادګل مسلم، د کار او ټولنیزو چارو رییس مولوي عبدالوکیل خادم، د ارشاد حج او اوقافو رییس مولوي محمد اسلام واسع، د څارنوالۍ رییس مولوي عبدالقادر طه، د یاد ولایت ښاروال مولوي لطف الله لطيفي، د ولایت مستوفي مولوي نور الحسن محسن، د امینه قومندانۍ مرستیال مولوی موسی کلیم ابونصر او د امارت د قضایاوو آمر مولوي محمدي محمدي ګډون کړی وو.
په یاده غونډه کې د شاجوی ولسوالی د غلام رباط په سیمه کې ۸۰۰ جریبه ځمکه دولتي تثبیت شوه او مسؤلینو ته یې د حفاظت امر وشوه، دغه راز په مرکز قلات کې د حاجي قدرت الله د کارون سرای په اړه چې د مرکز څخه کوم مکتوب راغلی وه خبرې وشوې، همداراز د شهری صفاء ولسوالی کې د یادی ولسوالی د مرکز ځمکه چې ۷۷ جریبه ده د ملکی خلکو ورباندې دعوا وه تثبیت لپاره يې هئیت وټاکل شوه.
په دې غونډه کې دغه راز د غونډې ګډونوالو په خپل وار سره خپل نظرونه او وړاندېزونه شریک کړل.
