د خوست ولایت باک ولسوالی کې شنې خونې جوړېږي
۵ غبرګولی ۱۴۰۴ ه.ش
۲۸ ذُوٱلْقَعْدَةِ ۱۴۴۶ه.ق
د خوست ولایت د کرنې، اوبو لګولو او مالدارۍ ریاست د باک ولسوالی د کرنیزو چارو مدیریت تر څار لاندې، د ملګرو ملتونو دخوړو او کرنې ادارې «اف،اې،او» په همکارۍ، د باک ولسوالی اړوند پر یوشمېر بزګرانو د شنو خونو د جوړولو وسایل ووېشل.
په دې پروژه کې، هر بزګر ته د شنې خونې د جوړولو په موخه شپږ ډوله توکي وېشل شوې. دا مرسته د کرنیزو محصولاتو د زیاتوالي، موسمي سبو د تولید پراختیا، او بزګرانو ته د پایدارو عوایدو برابرولو په موخه ترسره شوه.
د خوست ولایت د کرنې، اوبو لګولو او مالدارۍ ریاست د هېواد د کرنیزې ودې په برخه کې د دا ډول پروژو تطبیق اړین بولي او ژمن دی، چې د بزګرانو د ملاتړ او کرنیزو خدمتونو د پراخوالي لپاره خپلې هڅې لا زیاتې کړي.
