د خوست تڼیو ولسوالی کې د ځنګلونو ارزښت او د قطع کولو د مخنیوي په اړه عامه پوهاوی ترسره شو
۲۵ وږی ۱۴۰۴ هـ.ش
۲۳ رَبِیعُ الْأَوَّل ۱۴۴۷ هـ.ق
د خوست ولایت د کرنې، اوبو لګولو او مالدارۍ ریاست اړوند د تڼیو ولسوالی د کرنیزو چارو عمومي مدیریت تر څارنې لاندې، د آفرین مؤسسې په همکارۍ تڼیو ولسوالی کې د ځنګلونو ارزښت او د قطع کولو د مخنیوي په اړه ځايي قومي مشرانو او ځوانانو لپاره یو ورځنی عامه پوهاوی ترسره شو.
په دې غونډه کې ګډونوالو ته د ځنګلونو طبیعي ارزښت، د ناقانونه قطع کولو منفي اغېزې او همدارنګه د اسلامي، قانوني او ټولنیزو مسؤلیتونو په اړه هر اړخیز معلومات وړاندې شول.
یاد عامه پوهاوی د طبیعي سرچینو د ساتنې او د چاپېریال د خوندیتوب په موخه ترسره شوی، څو خلک د ځنګلونو د ساتنې په اهمیت ښه پوه شي او د ګډو مسؤلیتونو په ترسره کولو کې فعاله ونډه واخلي.
