د تخار د کرنې ریاست د عوایدو او عایداتي سرچینو وضعیت وڅېړل شو

mail-admin
شنبه ۱۴۰۵/۷/۴ - ۲۰:۳۴

۴ تله ۱۴۰۵ هـ.ش 
۱۳ رَبِیعُ الْثاني ۱۴۴۸ هـ.ق
د کرنې، اوبولګولو او مالدارۍ وزارت مالي او حسابي رییس، مولوي ضیاءالدین واقف، تخار ولایت ته د خپل رسمي سفر په ترڅ کې د دغه ولایت د کرنې، اوبولګولو او مالدارۍ ریاست څخه لیدنه وکړه.
په دې سفر کې د تخار د کرنې رییس، قاري قطب‌الدین دهنوي، د دغه ریاست د آمریتونو او عمومي مدیریتونو د مسؤلینو په ګډون ګډه غونډه جوړه شوه. په غونډه کې د عوایدو د عمومي وضعیت، عایداتي سرچینو، د عوایدو د راټولولو او تحصیل بهیر، د ځمکو د اجارې ورکولو او نورو عایداتي سرچینو په اړه بحث او خبرې وشوې.
په یاده غونډه کې د عوایدو د تحصیل په برخه کې شته ستونزې او ننګونې هم وڅېړل شوې او د عایداتي سرچینو پر پېژندلو او جدي تعقیب، د عوایدو د ضایع کېدو د مخنیوي، د عوایدو د راټولولو په بهیر کې د روڼتیا د تأمین، د اجارې ورکولو د بهیر د ښه والي او د اړوندو برخو ترمنځ پر لا ښې همغږۍ ټینګار وشو.
د تخار د کرنې ریاست د بېلابېلو برخو مسؤلینو هم د کاري بهیر د ښه والي، د روغنیاتو د سهمیې د زیاتوالي او د اړتیا وړ امکاناتو د برابرولو په برخه کې خپلې ستونزې او وړاندیزونه له راغلي پلاوي سره شریک کړل. هغوی وویل، د تخار ولایت د ۱۶ ولسوالیو، پراخې جغرافیې او د یو شمېر ولسوالیو د صعب‌العبور سیمو له امله د کاري بهیر د لا ښه ترسره کولو لپاره د اړینو امکاناتو برابرول مهم دي.
د کرنې وزارت مالي او حسابي رییس د مسؤلینو د ستونزو او وړاندیزونو له اورېدو وروسته، د روڼتیا او کاري اصولو پر رعایت، د عایداتي سرچینو پر جدي تعقیب، د عوایدو د ضایع کېدو پر مخنیوي او د اړوندو برخو ترمنځ پر همکارۍ ټینګار وکړ.
نوموړي همدارنګه د عوایدو د مدیریت د ښه والي او د شته ننګونو د هواري لپاره د لا ډېرو هڅو غوښتنه وکړه.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت