د بلخ چمتال ولسوالی کې یوشمېر بڼوالو سره د کرنیزو توکو مرسته وشوه
۱۱ چنګاښ ۱۴۰۴ ه.ش
۶ مُحَرَّمُ الحَرام ۱۴۴۷ه.ق
د بلخ ولایت د کرنې، اوبولګولو او مالدارۍ ریاست په هڅو، د پاملرنې مؤسسې په همکارۍ ددې ولایت د چمتال ولسوالی ۱۲۴ بڼوالو سره دکرنیزو توکو او درملو مرسته ترسره شوه.
ددغو مرستو په ترڅ کې د چمتال لسوالی پر بڼوالو پر هر بڼوال لس کیلو توره سره، یوه دانه د شاخ بورۍ قیچي، د حشرو او فنګسونو ضد درمل وېشل شوي دي.
دا ډول مرستې نه یوازې د بزګرانو لپاره د تولید ظرفیت لوړوي، بلکې د اقتصادي ستونزو په کمولو کې هم رغنده رول لري.
د یادونې وړ ده، چې د پاملرنې له څو کلونو راهیسې د بلخ په بېلابېلو ولسوالیو کې له بزګرانو او بڼوالو سره د کرنیزو توکو، تخمونو، سرې او تجهیزاتو په برخه کې مرستې کوي، چې دا چاره د بدیل معیشت پروګرامونو یوه برخه ده.
