د بروسلوز درې میلونه او ۴۳۷ ډوزه واکسین پېرل او پر څارویو پلي کیږي

mail-admin
دوشنبه ۱۳۹۹/۶/۳ - ۱۳:۳۳
د بروسلوز درې میلونه او ۴۳۷ ډوزه واکسین پېرل او پر څارویو پلي کیږي
۳ وږی ۱۳۹۹
د کرنې، اوبولګولو او مالدارۍ وزارت په پام کې لري، چې سږکال د حیواني محرقې یا (بروسلوز) درې میلیونه او ۴۳۷ ډوزه واکسینونه وپېري او د هېواد په ۳۴ ولایتونو کې یې پر لوی او واړه څارویو پلي کړي. ددغو واکسینونو یوه اندازه پېرل شوي او پر څارویو پلي شوي دي او ټاکل شوې، چې د مالي کال تر پایه یاد ټول واکسینونه وپېرل شي او پر څارویو پلي شي.
دغه راز د وړو شخوند وهونکو څارویو لپاره د طاعون یو میلیون او ۹۳۲ زره او ۵۰۰ ډوزه واکسینونه پېرل کیږي او د هېواد په ۳۴ ولایتونو کې پر وړو څارویو لکه وزې او وریو پلي کيږي. ددغو واکسینونو یوه اندازه پېرل شوي او ټاکل شوې، چې د کال تر پایه یاد ټول واکسینونه وپېرل شي او پر وړو څارویو پلی شي.
دغه راز د «FMD»۲۰۰ زره ډوزه واکسینونه هم پېرل کیږي او د کابل، هرات، لوګر، پروان، میدان وردګ، کندهار، کندز، ننګرهار او بلخ په ولایتونو کې پر بېلابېلو څارویو پلي کیږي.
په ورته وخت کې د کرنې وزارت د کانګو تبې د مخنیوي په پار د هېواد په کچه د کنې د کنټرول پروګرام هم پلی کړی دی.
په همدې توګه د کرنې وزارت د بلخ، او بغلان په ولایتونو کې د وريو او وزو د نسل ګیري دوه فارمونه جوړ کړي او ترڅنګ یې د لوګر، خوست، کندهار او پکتیکا په ولایتونو کې د سایلج د ۱۵ سیلوګانو چارې، چې هر یوه یې پنځه مټریک ټنه وړتیالري بشپړ کړي. همداراز د کابل، کونړ، هملند، تخار او بدخشان په ولایتونو کې د مصنوعي القاح شپږ مرکزونه جوړ کړي، ددې ترڅنګ د شېدو ټولولو شپږ مرکزونه هم جوړ شوي دي، د کاپیسا، میدان وردګ، پکتیا او غزني په ولایتونو کې د پنځه کړۍ ژورو څاګانو کېندل او دغه راز د کابل او کندز په ولایتونو کې د درېوو حیواني کلینیکونو چارې د کال تر پایه بشپړیږي.

تازه ترین اخبار

یکشنبه ۱۴۰۴/۴/۸ - ۱۵:۳۶
Background image

د پکتیاولایت چشمه مارانو څېړنیز فارم کې پر بېلابېلو بوټو څېړنې روانې دي

۸ چنګاښ ۱۴۰۴ ه‍.ش
۳ مُحَرَّمُ الحَرام ۱۴۴۷ه‍.ق
د پکتیا دکرنې، اوبولګولو او مالدارۍ ریاست چارواکي وايي، چې ددې ولایت دکرنې ریاست اړوند چشمه مارانو څېړنیز فارم کې پر بېلابېلو بوټو څېړنې. . .

یکشنبه ۱۴۰۴/۴/۸ - ۱۳:۱۴
Background image

د کرنې وزارت د عشر او زکات لوی رییس د بغلان ولایت له سیمه ییزو چارواکو سره وکتل 

۸ چنګاښ ۱۴۰۴ ه‍.ش
۳ مُحَرَّمُ الحَرام ۱۴۴۷ه‍.ق
د کرنې، اوبولګولو او مالدارۍ وزارت دعشر او زکات لوی رییس الحاج مولوی ندا محمد عابد د کرنې، اوبو لګولو او مالدارۍ د وزیر الحاج مولوی. . .

یکشنبه ۱۴۰۴/۴/۸ - ۱۰:۱۸
Background image

د لغمان دکرنې رییس د خوړو او کرنې ادارې او اسلامي پراختیایي بانک له چارواکو سره د همکاریو پر پراختیا خبرې وکړې

۸ چنګاښ ۱۴۰۴ ه‍.ش
۳ مُحَرَّمُ الحَرام ۱۴۴۷ه‍.ق
د لغمان د کرنې، اوبولګولو او مالدارۍ رییس الحاج مولوي عبدالستار محمد د ملګرو ملتونو د خوړو او کرنې ادارې «اف،اې،او» او د اسلامي پراختیایي. . .

بازگشت