۲۲ زمری ۱۳۹۹

د هېواد په ۲۳ ولایتونو «غور، میدان وردګ، پکتیا، دایکندي، بغلان، کونړ، بادغیس، پنجشیر، زابل، تخار، ننګرهار، هلمند، کابل، غزني، پکتیکا، خوست، فراه، ارزګان، کندهار، هرات، بلخ، لوګر او پروان» کې د اوبولګولو د ۱۲۱ شبکو د بیارغونې چارې ۴۰ سلنه بشپړ شوي دي.

د اوبولګولو د یادو شبکو د بیارغولو چارې د کرنې، اوبولګولو او مالدارۍ وزارت د ۱۳۹۹یم مالي کال د لومړیو شپږو میاشتو د پلان پر اساس پیل شوې وه. ددې پلان پر اساس د کرنې وزارت اړ وه، چې د روان مالي کال په لومړیو شپږو میاشتو کې د دغو شبکو د بیارغولو چارې ۴۰ سلنه بشپړ کړي. د کرنې وزارت د یادو شبکو چارې د پلان سره سم پلي کړي دي او توانېدلی دی، چې دیادو شبکو د بیا رغولو چارې په سمه توګه پرمخ یوسي.