د اوبولګولو، آبريزو تنظيم او د کورنيو باغچو جوړولو پر پروژو خبرې اترې
۱۰ چنګاښ ۱۴۰۰
دکرنې، اوبولګولو او مالدارۍ وزارت د اوبولګولو او طبيعي سرچينو مرستيال حشمتالله غفوري او د نړيوال بانک او دکرنې او خوړو خونديتوب بېړنۍ پروژې (EATS) چارواکو ترمنځ د اوبولګولو، آبريزو تنظيم او د کورنيو باغچو جوړولو پروژو د ارزونې غونډه په لاره واچول شوه.
په دې غونډه کې، د اوبولګولو نويو پروژو پر ډيزاين، ابرېزو تنظيم او کورنيو باغچو جوړولو په هکله خبرې اترې وشوې.
ددغو پروژو ټوليز ارزښت ۳۵.۷ میلیونه ډالر ده، چې د نړيوال بانک له خوا ورکول کېږي او دکرنې د ودې او خوړو خونديتوب بېړنۍ پروژې له خوا دکرنې وزارت په همکارۍ د هېواد ۳۴ولايتونو کې پلي کېږي.
دکرنې وزارت د اوبولګولو او طبيعي سرچينو مرستيال حشمتالله غفوري، د EATS پروژې کاري ټيم ته هدایت ورکړ چې د راتلونکې اوونۍ تر يکشنبې ، ۱۳/۴/۱۴۰۰، په دې هکله پروپوزل چمتو او دکرنې وزارت رهبرۍ ته يې وسپاري ترڅو نړيوال بانک ته واستول شي.
