دکندهار دکرنې رییس: د مراجعینو ستونزې باید له خنډ او ځنډ پرته حل شي
دکندهار دکرنې، اوبولګولو او مالدارۍ رییس مولوی محمود مظلوم ددې ادارې له کارکوونکو سره په غونډه کې د مراجعینو د ستونزو پر چټک هوارلو ټینګار وکړ.
په دې غونډه کې د کندهار دکرنې ریاست پر کړنو دخبرو اترو ترڅنګ د یاد ولایت دکرنې ټولو کارکوونکو ته سپارښتنه وشوه، چې خپل صورت او سیرت په شریعت برابر او په خپلو چارو کې له امانتدارۍ، صداقت او اخلاص څخه کار واخلي.
دغه راز د کندهار دکرنې رییس مولوی محمود مظلوم ټولو کارکوونکو ته سپارښتنه وکړه، چې دکرنې ریاست د مراجعینو ستونزې له خنډ او ځنډ پرته حل او خلکو ته د خدمت جوګه شي.
