دکندز چهار دره کې ۴۸ مالداران وروزل شول
۳۰ وږي ۱۴۰۲ه.ش
۶ ربیعالاول ۱۴۴۵ه.ق
د کندز دکرنې، اوبولګولو او مالدارۍ ریاست د افغانستان لپاره دهالنډ کمېټې په همکارۍ ددې ولایت د چهار درې ولسوالی ۴۸ مالداران روزلي دي.
د کندز دکرنې ریاست چارواکي وایي، چې دغه مالداران د کندز دکرنې رییس الحاج مولوی امان الله حسن په لارښوونه د افغانستان لپاره د هالنډ کمېټې په همکارۍ د وزو د وړیو راټولولو تر عنوان لاندې روزل شوي دي.
دغه روزنیز پروګرام، چې د مسلکي کسانو له خوا دائره شوې وه په کې د چهار درې ولسوالی د بازقم، احشمش او نورزیو کلیو ۴۸ مالدارن روزل شوي دي.
ددې پروګرام موخه د مالدارانو وړتیاوې لوړو او په ټوله کې د مالدارۍ سکټور پراختیا ته زمینه برابرول دي.
