دکرنې وزارت مالي او اداري مرستيال د ياد وزارت اداري رياست څخه ليدنه وکړه

۲۲تله ۱۴۰۰
دکرنې، اوبولګولو اومالدرۍ وزارت، مالي او اداري مرستیال فضل الباري فضلي او ورسره مل پلاوي یې د کرنې وزارت له اداري ریاست او اړوند آمریتونو څخه  لیدنه او اړوندو چارواکو ته لازمې سپارښتنې وکړې.
ددې ليدنې په ترڅ کې مالي او اداري مرستیال ښاغلي فضل الباري فضلي د ياد رياست کارکوونکو ته وويل: «اداري ریاست په یو ارګان، اداره او یا وزارت کې د ملا دتېر حیثیت لري.» هغه د یاد ریاست ریيس او اړوند آمرینو ته  لازمې سپارښتنې وکړې. 
دغه راز ښاغلي فضلي د یاد ریاست د کارکونکو هڅې وستایلې او په نورمال ډول یې د چارو ترسره کولو امر ورکړ.