دکرنې وزارت د اداري ریاست سرپرست د شکردرې مسلخ څخه لیدنه وکړه
۲۱ وږی ۱۴۰۱ه.ش
۱۵ صَفَرالمظفّر ۱۴۴۴ ه.ق
دکرنې، اوبولګولو او مالدارۍ وزارت د اداري ریاست سرپرست قاري محمد اکبر امیني او د یاد ریاست آمرینو د کابل په ولایت کې د شکردرې مسلخ څخه لیدنه وکړه.
ددې لیدنې په ترڅ کې د یادمسلخ کارکوونکو د دوی ستونزو ته د رسېدنې ترڅنګ ددې مسلخ د اړتیاوو پوره کولو غوښتونکي شول. د یاد مسلخ ساتونکو د برېښنا او اوبه کمښت خپل جدي ستونزې وبلل او یادو ستونزو ته د رسېدنې په پار د جدي پاملرنې غوښتونکي شول.
په همدې حال کې د کرنې وزارت د اداري ریاست سرپرست له دوی سره ژمنه وکړه، چې هلې ځلې کوي، ترڅو ددې مسلخ ستونزو ته رسېدنه ووشي.
ددې لیدنې په ترڅ کې د اداري ریاست د تاسیساتو آمر نجیب الله اکرمي او د تخنیک او ټراسپورټ آمر حافظ خلیل الله د قاري محمداکبر ملتیا کوله.
