دهلمند ناوې ولسوالی کې د غنمو اصلاح شوي تخمونو د وېش لړۍ پيل شوه

۲۸ لړم ۱۴۰۴ هـ.ش
۲۸ جُمَادَى الأول ۱۴۴۷ هـ.ق
د هلمند ولایت د کرنې، اوبو لګولو او مالدارۍ ریاست په هڅو، په ناوی ولسوالی کې ۱۵۰۰ کروندګرو ته د دوو جریبو ځمکو لپاره د اصلاح شوو غنمو تخمونو د وېش لړۍ پیل شوه.
د یاد پروګرام له مخې، اصلاح شوي تخمونه په داسې ډول وېشل کېږي چې ۵۰ سلنه برخه یې کروندګر په خپله اجرا کوي. دا چاره د دې لپاره ترسره کېږي چې د غنمو اصلاح شوي تخمونه عام او رواج شي، او کروندګر د لوړ کیفیت، زیات حاصل او اقتصادي ګټې لرونکي تولیدات ترلاسه کړي.
دیادې توزیع پر مهال د کرنیزو چارو آمر قاري مولوي مطیع الله عابد وویل، چې دغه اصلاح شوي غنم نه یوازې زیات حاصلات ورکوي، بلکې د ناروغیو او افتونو پر وړاندې ښه مقاومت هم لري.
همدارنګه، کروندګرو ته د عملي او نظري عامه پوهاوی زده، کړې هم ورکول کېږي، څو د دغو تخمونو د کرکېلې ګټې، طریقه او اقتصادي اهمیت په بشپړ ډول وپېژني.
د دې پروګرام په تطبیق سره به د یوې خوا د غنمو تولیدات زیات شي، او له بلې خوا به د کروندګرو اقتصادي وضعیت لا پیاوړی او ښه شي.