دهلمند د بولان نیالګیو روزلو قوریه کې د زردالو او نارنجو د تخمونو کرلو چارې پیل شوې
۴ سلواغه ۱۴۰۳ھ.ش
۲۳ رَجَب المُرَجَّب ۱۴۴۶ه.ق
دهلمند ولایت د کرنې، اوبولګولو او مالدارۍ ریاست اړوند مرکز لښکرګاه د نیالګیو روزلو قوریه کې د مسلکي کارکؤنکو لخوا د نارنجو او زردالو د تخمونو کرلو چارې پیل شوي دي.
ددغې کرنې په لړ کې دنارنجو تخمونه په لس زره پلاستیکي خریطو کې کرل کېږي، چې د راشنه کېدو او بدني ودې ښه کېدو وروسته به جیوه یي ځمکې ته انتقال شي او هلته به بیا په مسلکي ډول وروزل شي .
ددې تر څنګ د زردالو ١٥٠ کیلوګرامه تخمونه هم په مسلکي ډول کرل کېږي، ترڅو په راتلونکي کې ورڅخه باکیفیته نیالګي په لاس راشي.
نوموړي نارنج او زردالو به د ښې روزنې څخه وروسته دکرنې ادارې د ځانګړې کړنلارې له مخې د هلمند ولایت اړوند بزګرو، ځمکوالو، عام المنفعه تاسیساتو او مقدسو ځایونو د سرسبزۍ په موخه راتلونکي کال ته ووېشل شي.
