دهلمند دوو ولسوالیو کې د لسګونه جریبه امارتي ځمکې د غصب مخه ونیول شوه
١٠ سلواغه ۱۴۰۲ه.ش
١٨ رَجَب المُرَجَّب ۱۴۴۵ ه.ق
هلمند کې د امارتي ځمکو د غصب مخنیوی د کمپاین په دوام ددې ولایت د بهرامچې او سنګین ولسوالیو د کرنیزو خدمتونو مدیریتونو لخوا د اړونده امنیتي مسؤلینو په همکارۍ د لسګونه جریبه امارتي ځمکې د غصب مخه نیول شوي دي.
د چارواکو په خبره د بهرامچي ولسوالی په بېلابېلو سیمو کې د یو شمېر اشخاصو لخوا امارتي ځمکه کې برمې وهل کیدلې او بیا یاده ځمکه کرنې ته چمتو کېدل چې پر وخت د بهرامچې ولسوالی د کرنې او امنیتي مسؤلینو په همکارۍ په یادو سیمو کې د غصب مخه ونیول شوه او غاصبین اړونده عدلي او قضایي ادارو ته وپېژندل شول.
دغه راز دهلمند ولایت د کرنې ریاست لخوا د سنګین ولسوالی د کرنیزو خدمتونو او اړونده امنیتي مسؤلینو په همکارۍ د یادې ولسوالی په سلګونه جریبه طبیعي ځنګل کې د اور لګېدنې او غصب مخه هم نیول شوي دي.
د یادې ولسوالی اړوند بارګزو دکلي په سیمه کې د یو شمېر اشخاصو لخوا څخه ځنګل ته اور اچول شوی وو ترڅو وروسته تر سوځېدو یې ځمکه اباده او په کرنیزه ځمکه واړوي چې پر وخت یې د اور لګېدنې او غصب مخه ونیول شوه.
د یادې پېښې عاملین په سیمه کې تر نیول کېدو وروسته اړونده عدلي او قضایي ادارو ته ورپېژندل شوي دي.
