دننګرهار مومندرې ولسوالۍ کې د سېلاب ترګواښ لاندې ځمکو او کورونو ته استنادې دېوالونه جوړېږي

د ننګرهار د کرنې، اوبو لګولو او مالدارۍ ریاست سره په همغږۍ د ګډو هڅو ملي بشري مرستو مؤسسې له لورې دمومندرې ولسوالۍ په هغو سیمو کې، چې د سېلاب تر ګواښ لاندې ځمکې او کورونه پراته دې لومړنۍ سروې پیلېږي او د سیمو له انتخاب وروسته به په یادو سیمو کې استنادې دیوالونه جوړ شي.
دېادې مؤسسې مسؤل انجینر عطاءالله منیب وویل، دوی غواړې په مومندرې ولسوالۍ کې څو سیمې، چې د سیلاب له ګواښ سره مخ دی سروې کړي، ترڅو په راتلوونکی کې د کرنیزو ځمکو او کورونو د تخریب مخنیوی لپاره استنادي دېوالونه جوړ کړي. نوموړې د کرنې ریاست څخه د پروژو د ښه ډیزاین او تطبیق په موخه مرستو غوښتنه وکړه.
د ننګرهار د کرنې، اوبو لګولو او مالدارۍ رییس مولوي محمد ولي محسن یاده چاره د کرنیزو ځمکو او کورونو د تخریب مخنیوي لپاره مهمه وبلله او پخپله برخه کې د هر راز همکارۍ ډاډ ورکړ.