دننګرهار حصارک کې حيواني او نباتي درمل پلورنځي وڅارل شول
۱۷ چنګاښ ۱۴۰۲ه.ش
۲۰ ذیالحِجّة ۱۴۴۴ ه.ق
د ننګرهار د کرنې، اوبولګولو او مالدارۍ رياست اړوند د حصارک ولسوالی ترویج مدیریت د حصارک ولسوالی بازار او شاوخوا سیمو کې دحيواني او نباتي درمل پلورونکو او کیمیاوی سرو هټيو څخه څارنه او کنټرول ترسره کړه.
د دغه کنټرول څخه موخه د بې کيفيته او تاريخ تېرو درملو پلور، نسخې ورکولو، په خپل سر د هټيو پرانستل او د غير قانونې درمل او واکسینونو د واردولو مخنيوي دی.
ددې کنټرول په پايله کې يو شمېر هغه هټۍ چې د فعاليت جواز وخت يې تېر و او یایې جوازونه نه درلودل سپارښتنه ور ته وشوه، چې خپل جوازونه واخلی او یایې نوي کړي.
او همدارنګه دوی ته سپارښتنې وشوې، چې په راتلوونکې کې د غير معياري هټيو د پرانستلو، د بې کيفيته درملو او واکسینو د پلور او واردولو څخه په کلکه ډډه وکړي.
