خوست کې لسګونه جریبه ځمکه له غصب څخه خلاصه شوه
۲۳ لېندۍ ۱۴۰۱ه.ش
۲۰ جمادي اﻷول ۱۴۴۴ ه.ق
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي خپلې عملي چارې پیل کړي دي، چې په ترڅ کې یې لسګونه جریبه امارتي ځمکې له غصب څخه خلاصه شوه.
د خوست دکرنې، اوبولګولو او مالدارۍ ریاست وایي، چې په دې ولایت کې د ځمکې غصب مخنیوی او د غصب شویو ځمکو د بېرته راګرځولو تخنیکي پلاوی د خوست مرکز اړوند کاران سرای او کرم کلي کې ۱۷۶۱جریبه ځمکه له غصب څخه خلاص او غاصبینو ته یې خبر ورکړل شو، چې په ټاکلي ورځ دې تخنیکي پلاوي ته حاضر شي.
باید وویل شي، خوست کې د ځمکې د غصب مخنیوی او غصب شویو ځمکو د بېرته را ګرځولو د کمېټه تر دې دمه په دې ولایت کې د ډېرو امارتي ځمکو د غصب مخنيوی کړی او د ټول ولایت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
