خوست کې د ځنغوزيو او چارمغزو د ځنګلونو د بیارغونې په پار ۳۶۰ کورني قوریې جوړ شوي دي
۲۹ غبرګولی ۱۴۰۰
د خوست د کرنې، اوبولګولو او مالدارۍ ریاست له خوا ددې ولایت د طبیعي ځنګلونو د خوندي کولو او بیا رغولو په پار هلې ځلې کړندي شوي دي، په همدې موخه ددې ولایت د ځنغوزيو او چارمغزو د ځنګلونو د بیارغونې په پار د یاد ولایت په پنځو ولسوالیو « موسی خېل، ځاځيمیدان، تڼي، سپېره او شمل دوه منده» کې ۳۶۰ کورني قوریې جوړ شوي دي.
د ځنغوزيو او چار مغزو پر یاده پروژه ټول ټال ۶۵ ميليونه افغانۍ لګښت راځي، چې په ۳۶۰ قوريو کې به شاوخوا دوه ميليونه ۱۶۰ زره نيالګي وروزل شي او د درو کالو په لړ کې به په يادو ولسواليو کې ځنګلونو ته انتقال او ۲۷۰۰ هکټاره ځمکه به تر پوښښ لاندې راولي.
