خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي کړنې
۱۷ غویی ۱۴۰۲ه.ش
۱۷ شَوّال المُکَرَّم ۱۴۴۴ ه.ق
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
د غونډې په پیل کې د تيرې ورځې په ځينو مهمو موضوعاتو باندې مفصلې خبرې وشوې.
دغه راز له دې غونډې وروسته، د ځاځي ميدان ولسوالی اړوند د الګاډې شيخانو کلي هغه ځمکې څخه ليدنه وکړه، چې دوسيه يې د همدې ولسوالی د ابتدايه محکمې څخه تخنيکي پلاوی ته راغلي ده، تخنيکي پلاوی د دعوى د دواړو جانبو سره د موضوع په ارتباط مفصل بحٿ وکړ چې د حل لپاره به يې په راتلونکي غونډه کې لازم تصميم ونيول شي.
همداراز د تخنیکي پلاوي غړو د باک ولسوالی اړوند د بډرمېلې په سیمه کې د يوه اندازه ځمکې څخه ليدنه وکړه، ورپسې تخنيکي پلاوی د صبريو ولسوالی اړوند په چينه او خلبسات سیمه کې د يوې اندازه ځمکې څخه کتنه وکړه چې په راتلونکي غونډه کې به پرې تصميم ونيول شي.
په دې غونډه کې دغه راز د راتلونکې کار د پلان پر جوړولو او د چارو د لا ښه پرمختګ په پار نظرونه وړاندې شول.
