خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي غونډه
۸ غبرګولی ۱۴۰۲ه.ش
۹ ذو القعدة ۱۴۴۴ ه.ق
خوست کې د ځمکې د غصب مخنیوی او غصب شویو ځمکو د بېرته را ګرځولو د تخنیکي پلاوي غونډه جوړه او پر بېلابېلو موضوعاتو هر اړخیزې خبرې وشوې.
د غونډې په پیل کې د تيرې غونډې په ځينو مهمو موضوعاتو باندې مفصلې خبرې وشوې.
دغه راز په دې غونډه کې د یوشمېر عارضینو پر دوسیو د خبرو اترو ترڅنګ له یوشمېر کسانو سره د دوی د اړوندو موضوعاتو په هکله خبرې وشوې
دغه راز تر خبرو اترو وروسته یاد پلاوي د خوست والي سره په کتنه کې د خوست ولایت اړوند مختلفو امارتي ځمکو په ارتباط هراړخیزې خبرې وکړې، همدارنګه د غصب مخنیوی تخنیکي پلاوي، چې کومې ستونزې او مشلات درلودل هغه یې د خوست والي سره شریک کړل، چې د خوست والي د هر ډول همکارۍ ډاډ ورکړ.
له دې وروسته د تخنیکي پلاوي ټول ټیم د ټاکل شوي پلان مطابق د اسمعیل خیل او مندوزیو اړوند د څړبني د خیرالناس په کلي کې له امارتي قطعاتو د غصب څخه نظارت ترسره کړ او په امارتي قطعاتو کې د نوع تصرفات په مطلق ډول بند کړل او شخاصو ته یې هدایت وکړ چې خپل اعتبار وړ اسناد راتلونکي غونډې ته وړاندې کړي.
باید وویل شي، چې د خوست ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
