خوست کې د سکټوري ادارو او همکارو مؤسسو سره غونډه ترسره شوه

mail-admin
چهارشنبه ۱۴۰۵/۸/۲۷ - ۱۵:۲۹
خوست کې د سکټوري ادارو او همکارو مؤسسو سره غونډه ترسره شوه

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د خوست ولایت کرنې، اوبو لګولو او مالدارۍ ریاست په تالار کې د یاد ریاست د قدرتي سرچینو آمر  مطیع‌الله اواب په مشرۍ د ۱۴۰۵ هـ.ش کال اتمه سکټ،ري غونډه، د سکتوري ادارو او همکارو مؤسسو د استازو په ګډون ترسره شوه.
د غونډې په پیل کې مطیع‌الله اواب د پرانیستې وینا پر مهال د تېرې سکټوءي غونډې د موضوعاتو، پرېکړو او ترسره شویو اجراآتو په اړه خبرې وکړې. نوموړي د ولس د غوښتنو او اړتیاوو په پام کې نیولو سره د چارو پر مخ وړلو، د خلکو خدمت ته پر ژمنتیا او د سکتوري ادارو او همکارو مؤسسو ترمنځ د همغږۍ، ګډ تفاهم او متقابلې همکارۍ پر پیاوړتیا ټینګار وکړ.
وروسته د پلان او برنامو عمومي مدیر اجمل قاسمي د ۱۴۰۶ هـ.ش کال د انکشافي پلان د جوړولو په اړه هر اړخیز معلومات وړاندې کړل. نوموړي له سکټوري ادارو وغوښتل، چې د خپلو اړوندو انکشافي پروژو کانسپټ‌نوټونه چمتو او په راتلونکې سکتوري غونډه کې یې د بحث او ارزونې لپاره وړاندې کړي. همدارنګه یې د کرنې ریاست له لوري د چمتو شویو ۳۸ انکشافي پروژو د کانسپټ‌نوټونو د تصویب په اړه هم معلومات شریک کړل.
د غونډې په ترڅ کې د کرنې او کلیو پراختیا په برخو کې د ترسره شویو فعالیتونو، لاسته راوړنو، روانو پروژو، شته ستونزو او راتلونکو پلانونو په اړه هر اړخیز بحث وشو. د ګډونوالو سکتوري ادارو او همکارو مؤسسو استازو د خپلو فعالیتونو او ترسره شویو اجراآتو راپورونه وړاندې کړل او خپلې ستونزې، وړاندیزونه او نظریات یې له ګډونوالو سره شریک کړل. همدارنګه د کرنې ریاست د ۳۸ انکشافي پروژو کانسپټ‌نوټونه تر بحث او ارزونې وروسته تصویب شول.
په همدې لړ کې د تېرې غونډې د پرېکړو او ترسره شویو اجراآتو ارزونه هم وشوه او د راتلونکو فعالیتونو د ښه تنظیم، د ادارو او مؤسسو ترمنځ د همغږۍ د پیاوړتیا، د کلیوالي خلکو د اړتیاوو د دقیق تشخیص او د شته ستونزو د حل په اړه لازم بحثونه ترسره شول.
په دې غونډه کې د کډوالو او راستنېدونکو چارو ریاست استازي م. عبدالله عابد، د کلیو د بیارغونې او پراختیا ریاست مرستیال صدو خان نوید، د چاپېریال ساتنې ریاست استازي محمد داود، د کرنې ریاست مشاور او متخصص بهیر ګل صابري، د کرنیزو چارو آمر م. اسلم خان منیب، د ترغیبي عبوري او اموال مواشي زکات راټولولو آمر م. حفیظ‌الله نثار، د عشر راټولولو او راپورونو تنظیم آمر م. اظهارالدین ابونصر، د حیواني روغتیا او مالدارۍ عمومي مدیر ډاکټر محمد قاسم او د قدرتي سرچینو مدیر اکرم خان ګډون کړی وو.
همدارنګه د ORD، OFARIN او DCA مؤسسو استازو او د مؤسسو د همغږۍ مسؤل ستوري هم په غونډه کې ګډون درلود. د یادو مؤسسو استازو د خپلو فعالیتونو، لاسته راوړنو، شته ستونزو او وړاندیزونو په اړه معلومات وړاندې کړل.
د غونډې په پای کې د کډوالو او راستنېدونکو چارو ریاست استازي م. عبدالله عابد د غونډې د موضوعاتو او بحثونو ارزونه وکړه او دا ډول سکتوري ناستې یې د ادارو او مؤسسو ترمنځ د همغږۍ، ګډو همکاریو او د چارو د ښه تنظیم لپاره ګټورې او اغېزمنې وبللې.
غونډه د اړوندو موضوعاتو له هر اړخیز بحث، د نظریاتو له تبادلې او د راتلونکو فعالیتونو د همغږۍ پر پیاوړتیا له ټینګار وروسته د دعا په ویلو پای ته ورسېده.

تازه ترین اخبار

چهارشنبه ۱۴۰۵/۸/۲۷ - ۱۵:۴۹
Background image

سویل ختیځ زون کې د کانګو وینه بهېدونکې تبې د مخنیوي کمپاین پیل شو

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د پکتیا د کرنې، اوبو لګولو او مالدارۍ ریاست په هڅو؛ د ملګرو ملتونو د خوړو اوکرنې ادارې په مالي لګښت، د کانګو تبې وینه بهېدونکې ناروغۍ د. . .

چهارشنبه ۱۴۰۵/۸/۲۷ - ۱۵:۳۴
Background image

ننګرهار کې د کوچنیو کاروبارونو د پراختیا په موخه ۶۷ کسانو ته دوه ورځنی روزنیز ورکشاپ پیل شو

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د ننګرهار کرنې، اوبولګولو او مالدارۍ ریاست په هڅو، د افغانستان لپاره د هالینډ کمېټې په تخنیکي همکارۍ او د کرنې نړۍوال پراختیایي صندوق «آی‌اف. . .

چهارشنبه ۱۴۰۵/۸/۲۷ - ۱۵:۳۲
Background image

پکتیکا کې د کوکنارو د بدیل کښت پروژې اړوند د بادامو په بڼونو کې د څاڅکي اوبو لګولو سیسټم لګولو چارې ۷۷ سلنه بشپړې شوې

۲۷ لړم ۱۴۰۵ هـ.ش
۷ جُمَادَى الثانی ۱۴۴۸ هـ.ق
د پکتیکا ولایت په مرکز «ښرنه» کې د کوکنارو د بدیل کښت د پراختیايي پروژې اړوند، د بادامو په ۲۵ جریبه بڼونو کې د څاڅکي اوبو لګولو سیسټم لګولو. . .

بازگشت